INKULUMO KANQGONQGOSHE WEZOKUTHUTHA, UKUPHEPHA KANYE NOKUXHUMANA NOMPHAKATHI, UMNU. BHEKI CELE EMBIZWENI YASE STANGER NAKWA MAPHUMULO

Kuwumgomo kaHulumeni ukulwela nokuvikela labo ababuthakathaka futhi siqiniseke nokuphepha kwabo kanye nokuba khona kwezithuthi ezingambi eqolo kodwa futhi zikwazi ukugcina imboni yokuthutha ihamba ngendlela. UHulumeni ubhekeke ukuba akwazi ukuthatha izinyathelo ezinqala ekubhekaneni nendaba nodlame ematekisini, ukuze kuvikelwe imiphefumulo engenacala.

Ukuvalwa kwemizila kungabonakala njento enzima kakhulu futhi sibukeke njengabantu abangenalo uzwelo. Kodwa-ke ekugcineni sizovela isixazululo ekulungiseni isimo sibengcono. Ingxabano phakathi kwabanikazi bamatekisi izoxazululeka. Kubalulekile ukuba kusetshenziswe imizila esemthethweni.

UMnyango wezokuThutha kulesisifunda uzibophezele ekuxhumaneni futhi ubambisane nezinhlaka ezahlukene zemiphakathi ukuze siqede ukungaboni ngeso elilodwa futhi sithole isixazululo esisheshayo kulamasosisheni athintekayo.

Kodwa-ke thina njengoHulumeni angeke sakwazi ukuvumele abantu baqhubeke nokulimala kumatekisi ngenxa yezimo zezimoto, ukungaqeqesheki kahle kwabashayeli kanye nokungabi nendaba nezimpilo zabantu. Angeke savuma ukuba abantu abangenacala baqhubeke nokushona ngoba kunososesheni abangakwazi ukukuvumelana ngemizila okumele basebenze kuyona.

Akekho-ke uHulumeni ongasonga izandla uma inhlalakahle yabantu abangenacala isengcupheni enjengalena yaseStanger nakwa Maphumulo. Kuloku ngezwani sekushone abantu abangu 12. Kunezindlela ezingcono zokuxazulula izinkinga ngaphandle kokudubulana kanye nokuvala imiqwaqo ngezimoto. Udlame alukaze lube yisixazululo sanoma iyiphi inkinga. Kunemigudu ekumele ilandelwe ekubhekaneni nezinkinga ezibakhona ematekisini.

Lendaba seyethulwe kwababhekene nezinkinga zokusebenza (arbitration) futhi lithole nezixazululo, kodwa ososeshini basaqhubeka nokubulalana. Emizamweni yokuxazulula udlame ematekisini uMnyango usuhlele ukuba kuhalwe phansi kuxoxiswane. Njengo Hulumeni, uMnyango unelungelo lokusebenzisa noma iziphi izindlela zokuxazulula ukungasebenzisani ngendlela nokukwebhana. Loku kuyezinye zezindlela zkwenza ukuthi kube khona izisombhululo ezisheshayo.

U-Taxi Register usethunyelwe ukuba avale ukusebenza kwemizila yomibili yeStanger kanye noMaphumulo kulesisifundazwe. UTaxi Regista wazise bobabili ososeshini ngoMgqibelo mhlaka-6 kuAgasti ukuthi ukusebenza kwalemizila kuzomiswa kulabo abahamba amabanga amade namafishane kusukela ngomSombuluko mhlaka-8 Agasti 2005.

URegister wazise bobabili ososeshini ukuthi azikho izimoto ezingaphansi kwalabososeshini okumele zisebenze kuze kutholakale isixazululo yileliphini eliqokelwe lomsebenzi kusukela ngoLwesithathu zingu10 kuAgasti lithole ukubambisana ekuletheni uxolo nokubuyisela isimo endaweni yaso.

Lokhu kulandela imizamo eyenziwe nguMnyango ekuxazululeni loludlame eseluthathe iminyaka ewu 15 nalapho kufe abantu abaningi abangenacala okubandakanya abanikazi bamatekisi, abashayeli kanye nabagibeli. Kuyigunya lami njengo Ngqongqoshe ukubhekela ukuphepha kwabagibeli okuvamise ukubayibo abangakwazi ukuziphendulela ezimweni ezinjengalezi.

Sesibeke ithimba lamaphoyisa ahlukene ekubhekeleni ukuphepha kulendawo yaseStanger noMaphumulo. Amaphoyisa asemgwaqeni nabamele ukuphepha kanye nemaphoyisa eSAPS bazosebenzisana ekwenzeni ukuthi abagibeli baphephe.

Sibe sesinxusa abaphathi bamabhasi ukuba bathuthe abagibeli. Lamabhasi azoqashwa amaphoyisa ngaso sonke isikhathi. Umuntu oyotholakala ethintenteka esenzweni sokuhlukumeza noma asabise abagibeli uzobhekana nomtahetho.

Ukuvalwa kwemizila yase-Stanger kanye noMaphumulo kube yisixazululo sokugcina. Kodwa-ke ngifisa bonke labo abathintekakayo babambisane ukuze kutholakale isixazululo esiphusile.

Ngiyabonga.

back